სასჯელაღსრულების სისტემაზე გადაღებული ფილმი საერთაშორისო კინოფესტივალებზეა წარდგენილი

საქართველოს სასჯელაღსრულების სისტემაზე გადაღებული დოკუმენტური ფილმი „დაწესებულება N16“ საერთაშორისო კინოფესტივალებზეა წარდგენილი.

როგორც „ინტერპრესნიუსს“ სასჯელაღსრულების სამინისტროდან აცნობეს, 64 წუთიანი დოკუმენტური ფილმი - SPARK LABORATORY-მ გადაიღო. მისი ავტორი კინოდოკუმენტალისტი ალექსანდრე ქორიძეა.

სამინისტროს ცნობით, შემოქმედებითი ჯგუფი ერთი წლის განმავლობაში იღებდა ფილმს, რომლის გმირები N16 პენიტენციურ დაწესებულებაში მყოფი მსჯავრდებულები არიან. ფილმში ასახულია მსჯავრდებულთა ყოველდღიური ყოფა, საცხოვრებელი პირობები, აქტივობები, რითაც ისინი ყოველდღიურად არიან დაკავებულები. დოკუმენტურ ფილმში ნაჩვენებია მსჯავრდებულთა სპორტული ასპარეზობები, მათი მუშაობა დაწესებულების სახელოსნოში, სადაც ისინი სხვადასხვა ნაკეთობებსა და ხატებს ქმნიან, ასევე, სპექტაკლი პატიმრების მონაწილეობით რუსთაველის თეატრის სცენაზე. ფილმში „დაწესებულება N16“ ასევე, ასახულია მსჯავრდებულთა საქმიანობა დაწესებულების ტერიტორიაზე არსებულ საწარმოში, მათი ჩართულობა სხვადასხვა საგანმანათლებლო თუ პროფესიულ კურსებში.

უწყების ინფორმაციით, სასჯელაღსრულებისა და პრობაციის სამინისტროს პენიტენციურ დაწესებულებაზე გადაღებულმა დოკუმენტურმა ფილმმა „დაწესებულება N 16“ უკვე დაიმსახურა მაყურებლის მოწონება თბილისის მე-18 საერთაშორისო კინოფესტივალზე.

„ფილმის დასრულების შემდეგ მაყურებელი დარბაზიდან არ გავიდა. გადამღები ჯგუფის წევრებს და ფილმის მონაწილეებს უამრავი კითხვა დაგვისვეს. აღტაცებას და გაკვირვებას გამოთქვამდნენ იმით, რომ საქართველოში ასეთი მაღალი დონის პენიტენციური დაწესებულება არსებობს და მსჯავრდებულთა მიმართ ჰუმანური მიდგომაა“, - განაცხადა ფილმის ერთ-ერთმა მონაწილემ, N16 დაწესებულების თანამშრომელმა თამარ ლისიაკმა.

ფილმის რეჟისორმა ალექსანდრე ქორიძემ და გადამღებმა ჯგუფმა სასჯელაღსრულებისა და პრობაციის სამინისტროს ხელმძღვანელობას მადლობა გადაუხადა, რომ პენიტენციურ დაწესებულებაში ფილმის გადაღების შესაძლებლობა მიეცათ.

„სამინისტრომ კინოდოკუმენტალისტები პენიტენციურ სისტემაში შეუშვა, რაც იმის მაჩვენებელია, რომ სასჯელაღსრულების სისტემა ბოლო წლების განმავლობაში ტრანსპარენტული და ღია გახდა საზოგადოებისთვის. მსგავსი რამ აქამდე წარმოუდგენელი იყო. ეს იმის მაჩვენებელია, რომ ჩვენი საზოგადოება სულ უფრო უახლოვდება ევროპულ სტანდარტებს. ფილმი „დაწესებულება N16“ ობიექტურად ასახავს იმ დადებით რეფორმებს, რომლებიც სასჯელაღსრულების სისტემაში განხორციელდა“, - განაცხადა ალექსანდრე ქორიძემ.

მისივე თქმით, ფილმში არაფერია დადგმული და მსჯავრდებულთა რეალური ყოფაა ასახული.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს