საკონსტიტუციო სასამართლო უარყოფს გავრცელებულ ინფორმაციას, რომ პარლამენტში სუს-ის ხელმძღვანელობისა და საკონსტიტუციო სასამართლოს წარმომადგენლების მონაწილეობით შეხვედრა შედგა

საქართველოს საკონსტიტუციო სასამართლო უარყოფს გავრცელებულ ინფორმაციას რომლის მიხედვითაც, პარლამენტში, საქართველოს პარლამენტის თავმჯდომარე ირაკლი კობახიძე, უმრავლესობის დეპუტატებთან ერთად სუს-ის ხელმძღვანელობასა და საკონსტიტუციო სასამართლოს წარმომადგენლებს შეხვდა. ამასთან დაკავშირებით საკონსტიტუციო სასამართლო განცხადებას ავრცელებს.

”საქართველოს საკონსტიტუციო სასამართლო მიზანშეწონილად მიიჩნევს, გამოეხმაუროს ტელეკომპანია „რუსთავი 2“-ის ეთერში გასულ ინფორმაციას, იმის თაობაზე, რომ თითქოს გუშინ გვიან ღამით საქართველოს პარლამენტში საქართველოს პარლამენტის თავმჯდომარე ირაკლი კობახიძე, უმრავლესობის დეპუტატებთან ერთად სუს-ის ხელმძღვანელობასა და საკონსტიტუციო სასამართლოს წარმომადგენლებს შეხვდა. საზოგადოებას გვინდა ვაცნობოთ, რომ აღნიშნული ინფორმაცია სინამდვილეს არ შეესაბამება. საკონსტიტუციო სასამართლოს არც ერთ წარმომადგენელს, მონაწილეობა არ მიუღია მსგავსი ტიპის შეხვედრაში. უფრო მეტიც, საკონსტიტუციო სასამართლო საერთოდ არ ფლობს ინფორმაციას, შედგა თუ არა საქართველოს პარლამენტში ტელეკომპანია „რუსთავი 2“-ის ეთერში გასულ სიუჟეტში მითითებული შეხვედრა. იმედს გამოვთქვამთ, მედიასაშუალებები მეტი ყურადღებით მოეკიდებიან მათ მიერ გავრცელებული ფაქტების სიზუსტის გადამოწმებას, ვინაიდან მსგავსი ინფორმაციის გადაუმოწმებლად გავრცელებამ შესაძლოა შეცდომაში შეიყვანოს საზოგადოება და დააზიანოს საკონსტიტუციო სასამართლოს ავტორიტეტი”, - ნათქვამია განცხადებაში.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა