თბილისის საკრებულოს სხდომა რამდენიმე წუთის განმავლობაში ხმაურის ფონზე მიმდინარეობდა. „ევროპული საქართველოს“ წევრის, გოკა გაბაშვილის სიტყვით გამოსვლას ხმაური მოჰყვა. გოკა გაბაშვილმა უმრავლესობის წარმომადგენლებს მიმართა და განაცხადა, რომ მათი უსაქმურობაც ახსოვს, მათი უნიათობაც ახსოვს და გაფლანგული ფულიც.

„ძალიან კარგად ვიცი ჩვენი მმართველობის პლუსები და რა ნაბიჯები გადაიდგა. კარგად ვიცი ჩვენი მმართველობის ჩავარდნებიც, მაგრამ თქვენი უნიათობაც ვიცი, თქვენი უსაქმურობაც ვიცი, თქვენი გაფლანგული ფულიც ვიცი, თქვენი ვერგაკეთებული პროექტებიც ვიცი. არ ვაპIრებდი თქვენთან ამ საკითხზე საუბარს, ხელისუფლების წარმომადგენლები ხართ და ცოტა ნერვები დაიმშვიდეთ, საქმეს მიხედეთ, ხალხს დაეხმარეთ, დაფიქრდით რამეზე“, - განაცხადა გაბაშვილმა.

გაბაშვილის სიტყვით გამოსვლა უმრავლესობის წევრმა რიმა ბერაძემ გააპროტესტა, რასაც რამდენიმე წუთის განმავლობაში სხდომათა დარბაზში ხმაური მოჰყვა. ოპოზიციის წევრების გამოსვლის შემდეგ „ნაციონალური მოძრაობის“ წარმომადგენლებმა სხდომა დატოვეს.