ჩვენ გვაქვს ნულოვანი ინტერესი მიხეილ სააკაშვილის მიმართ, პოლიტიკური თვალსაზრისით ის სარგებლობს ნულოვანი აქტუალობით საქართველოში, ეს თამამად შეიძლება ითქვას, –ასე უპასუხა პარლამენტის თავმჯდომარე ირაკლი კობახიძემ მიხეილ სააკაშვილის შესაძლოა ექსტრადირებასთან დაკავშირებით დასმულ კითხვას. როგორც კობახიძემ აღნიშნა, სააკაშვილის მიმართ არ არსებობს პოლიტიკური ინტერესი და ეს არის სამართლებრივი საკითხი.

„ჩვენ გვაქვს ნულოვანი ინტერესი მიხეილ სააკაშვილის მიმართ. პოლიტიკური თვალსაზრისით ის სარგებლობს ნულოვანი აქტუალობით საქართველოში, ეს თამამად შეიძლება ითქვას. ეს იყო ჩვენი ერთ-ერთი წინასაარჩევნო დაპირება 2016 არჩევნებისათვის და ეს დაპირება ჩვენ პირნათლად შევასრულეთ. აქედან გამომდინარე, სააკაშვილი აღარ არის აქტუალური პოლიტიკურად, დანარჩენი არის სამართლებრივი საკითხები და სამართლებრივ ჭრილში უნდა გადაწყდეს“, - განაცხადა ირაკლი კობახიძემ.