საპარლამენტო უმრავლესობაში არსებული ინფორმაციით, საგაზაფხულო სესიაზე ახალი ფრაქცია დეპუტატ ბიძინა გეგიძის ხელმძღვანელობით შეიქმნება.

ამავე ფრაქციაში გაერთიანდებიან ირაკლი აბუსერიძე და ლევან გოგიჩაიშვილი.

„ქართულ ოცნებაში“ ჯერ არ იციან ვინ იქნებიან ფრაქციის სხვა წევრები.

ამასთან, როგორც უმრავლესობაში აცხადებენ, მაჟორიტარების შემადგენლობით ბიძინა გეგიძის ფრაქციის გარდა, სხვა ფრაქციაც შეიქმნება.

ფრაქციების ფორმირების საკითხზე უმრავლესობაში კონსულტაციები დაწყებულია.

როგორც ფრაქცია ”ქართული ოცნების” ლიდერმა, მამუკა მდინარაძემ ჟურნალისტებს დღეს განუცხადა, უმრავლესობაში ორი ახალი ფრაქცია იქმნება და უმრავლესობა გადახალისებული შემადგენლობით საგაზაფხულო სესიაზე წარსდგება.