ირაკლი კობახიძე პოლონეთის რესპუბლიკას ოფიციალური ვიზიტით ეწვევა

საქართველოს პარლამენტის თავმჯდომარე ირაკლი კობახიძე, დელეგაციასთან ერთად, 17-19 დეკემბერს პოლონეთის რესპუბლიკას ოფიციალური ვიზიტით ეწვევა.

როგორც „ინტერპრესნიუსს“ პარლამენტიდან აცნობეს, ირაკლი კობახიძე პოლონეთის რესპუბლიკის სეიმის მარშალ მარეკ კუჩინსკის და სენატის მარშალ სტანისლავ კარჩევსკის შეხვდება.

„ვიზიტის ფარგლებში, ირაკლი კობახიძე, მარეკ კუჩინსკი და სტანისლავ კარჩევსკი საქართველოს პარლამენტს, პოლონეთის სეიმისა და სენატს შორის შეთანხმებას მოაწერენ ხელს. შეთანხმების ხელმოწერის შემდეგ პრესისთვის ერთობლივი განცხადება გაკეთდება.

ირაკლი კობახიძე შეხვედრებს გამართავს ქვეყნის პრემიერ-მინისტრ მატეუშ მორავიეცკისთან და პირველ ვიცე-პრემიერ პიოტრ გლინსკისთან. ვიზიტის ფარგლებში, დაგეგმილია საქართველოს პარლამენტის თავმჯდომარის შეხვედრა საქართველო-პოლონეთის საპარლამენტო მეგობრობის ჯგუფის თავმჯდომარე მალგორჟატა გოშიევსკასთან და საპარლამენტო უმცირესობის წარმომადგენლებთან.

საპარლამენტო დელეგაცია საქართველოსა და პოლონეთის რესპუბლიკას შორის დიპლომატიური ურთიერთობების აღდგენის 25 წლისთავისადმი მიძღვნილ გამოფენას დაათვალიერებს. პარლამენტის თავმჯდომარე, დელეგაციასთან ერთად, ქართველ სტუდენტებს შეხვდება. ასევე, დაგეგმილია ირაკლი კობახიძის ლექცია ვარშავის უნივერსიტეტის აღმოსავლეთ ევროპული სწავლების ცენტრში.

ირაკლი კობახიძე ვარშავაში, აჯანყების მუზეუმს დაათვალიერებს და ქართველი ჯარისკაცების ხსოვნისადმი მიძღვნილ ძეგლს გვირგვინით შეამკობს. ვიზიტის ფარგლებში, საქართველოს პარლამენტის თავმჯდომარე გვირგვინით შეამკობს წმინდა გრიგოლ ფერაძის ხსოვნის დაფას და უცნობი ჯარისკაცის საფლავს.

დელეგაციის შემადგენლობაში საქართველოს პარლამენტის წევრები გიორგი ვოლსკი, გელა სამხარაული, მერაბ ქვარაია და ლაშა დამენია, ასევე, პარლამენტის თავმჯდომარის კაბინეტის უფროსი ნიკოლოზ სამხარაძე შედიან“, - აღნიშნულია პარლამენტის მიერ გავრცელებულ ინფორმაციაში.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს