თელავის მუნიციპალიტეტის სოფელ წინანდალში ავარიას ერთი ადამიანი ემსხვერპლა.

საპირისპიროდ მოძრავი "მიცუბიშის" და "ჰონდას" მარკის ავტომანქანები ერთმანეთს შეეჯახა. შემთხვევის დროს ადგილზე გარდაიცვალა ერთი პირი და მძიმედ დაშავდა ორი.

დაშავებულები სასწრაფო სამედიცინო დახმარების ბრიგადამ თელავის რეფერალურ საავადმყოფოში გადაიყვანა.

მომხდარზე გამოძიება სისხლის სამართლის კოდექსის 276-ე მუხლის მე-5 ნაწილით დაიწყო.