ძიუდოისტმა ვაჟა მარგველაშვილმა რუსი მიხაილ პულიაევი დაამარცხა და ბრინჯაოს მედალი მოიპოვა

ქართველმა ძიუდოისტმა ვაჟა მარგველაშვილმა სანკტ-პეტერბურგის მსოფლიოს მასტერსზე ბრინჯაოს მედალი მოიპოვა.

მარგველაშვილი ბრინჯაოს მედლისთვის ბრძოლაში გუშინ რუს მიხაილ პულიაევს შეხვდა და დაამარცხა.

შეგახსენებთ, რომ ევროპის ჩემპიონი, მსოფლიოს მედალოსანი ვაჟა მარგველაშვილი პირველივე წრიდან ჩაება შეჯიბრებაში და რუს ანზაურ არდანოვს ვაზარით მოუგო, შემდეგ კი, მოლდოველ დენის ვიერუ დაამარცხა. მესამე შეხვედრაში კი ქართველი ძიუდოისტი ყაზახ იელდოს ზუმაკანოვთან იპონით დამარცხდა.

ულამაზესი გდება და პირველი მედალი რუსეთიდან - ვაჟა მარგველაშვილმა რუსს მეტოქეს სძლია