რეგიონული განვითარების სამინისტროს ინფორმაციით, ოზურგეთს თანამედროვე საბავშვო ბაღი ექნება

რეგიონული განვითარებისა და ინფრასტრუქტურის სამინისტროს ინფორმაციით, ოზურგეთს თანამედროვე საბავშვო ბაღი ექნება.

უწყების ცნობით, მუნიციპალიტეტებში საბავშვო ბაღების მშენებლობა-რეაბილიტაცია აქტიურად გრძელდება. სამუშაოების მიმდინაროების ტემპებს და შესრულების ხარისხს რეგიონული განვითარებისა და ინფრასტრუქტურის მინისტრი სისტემატურად ეცნობა.

”ზურაბ ალავიძე ამჯერად ოზურგეთში იმყოფებოდა, სადაც მე-4 საბავშვო ბაღის სარეაბილიტაციო სამუშაოები დაათვალიერა. მალე ოზურგეთს თანამედროვე სტანდარტების შესაბამისი, ახალი საბავშვო ბაღი ექნება. პროექტის ფარგლებში კეთდება შიდა და გარე სამუშაოები, მოხდება ეზოს კეთილმოწყობა და შენობის საჭირო ინვენტარით აღჭურვა. ასევე შეზღუდული შესაძლებლობის მქონე პირთათვის ადაპტირებული ინფრასრუქტურა მოეწყობა. პროექტის დასრულების შედეგად, 300-ზე მეტი აღსაზრდელი სკოლამდელ განათლებას კომფორტულ გარემოში მიიღებს”, - აღნიშნულია სამინისტროს მიერ გავრცელებულ ინფორმაციაში.

სამუშაოები სახელმწიფო ბიუჯეტიდან ფინანსდება და მისი ჯამური ღირებულება 500 000 ლარზე მეტია.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს