პაკისტანში ეკლესიაზე განხორციელებული თავდასხმის შედეგად 5 ადამიანი დაიღუპა

პაკისტანში, ბელუჯისტანის პროვინციის ქალაქ კვეტაში ეკლესიაზე განხორციელებული თავდასხმის შედეგად სულ მცირე 5 ადამიანი დაიღუპა, ხოლო 2 დაშავდა. ამის შესახებ ბელუჯისტანის შინაგან საქმეთა მინისტრ სარფარაზ ბუგტიზე დაყრდნობით გამოცემა Dawn

წერს.

მისი თქმით, ოთხმა თვითმკვლელმა-ტერორისტმა თავდასხმა ლიტურგიის დროს განახორციელეს. ერთ-ერთმა მათგანმა თავი ეკლესიაში აიფეთქა.

სამართალდამცველებმა კიდევ ერთი ბოროტმოქმედის ლიკვიდაცია ორმხრივი სროლის შედეგად განახორციელე, ორი ტერორისტი კი გაიქცა.

„ოპერაცია დასრულებული არაა, ჩვენ 2 გაქცეულ ტერორისტს ვეძებთ“, - განაცხადა ბუგტიმ.

თავდასხმის შედეგად დაშავებული ორი პირი კრიტიკულ მდგომარეობაში იმყოფება.