ილია მეორე - დღეს თქვენი დღესასწაულია ბავშვებო, უნდა იცოდეთ, რომ ღმერთი ყველაფერს ხედავს, ყველაფერი ესმის, თქვენ უნდა იყოთ მაგალითი ხალხისთვის

ბედობის დღეა, ბედნიერი დღეა, ბავშვების დალოცვის დღეა, ამიტომ ბავშვებს უნდა მივაგოთ პატივი, - ამის შესახებ საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ქადაგების დაწყებისას განაცხადა.

პატრიარქმა ბავშვებს მოუწოდა ამბიონზე ასულიყვნენ. პატრიარქის მთელი ქადაგების განმავლობაში ბავშვები ამბიონზე მუხლმოდრეკილი იყვნენ.

„ბედობის დღეა, ბედნიერი დღეა, ბავშვების დალოცვის დღეა, ამიტომ ბავშვებს უნდა მივაგოთ პატივი. დღეს ჩვენ ვლოცავთ ბავშვებს და ყოველ მორწმუნე ადამიანს. წმინდა ბარბარე განსაკუთრებული წმინდანია, ის იყო ერთადერთი შვილი, მას ჰყავდა მამა და ის ზრდიდა. მაგრამ მამას არ ჰქონდა ჭეშმარიტი სარწმუნოება, ის არ იყო ქრისტიანი. წმინდა ბარბარემ როცა მიიღო ქრისტიანობა, იწამა ქრისტე, თავის შენობაში გააკეთებინა მესამე ფანჯარა. ამით უნდოდა გამოესახა თავისი დიდი რწმენა წმინდა სამებისა. წამება წმინდა ბარბარესი სამაგალითოა. მისმა მამამ მოჰკვეთა თავი, ყოველმა ადამიანმა თავის გულში უნდა გააკეთოს მესამე ფანჯარა. აი, ეს ტაძარი, წმინდა სამების სახელობისაა და ეს რომ არ ყოფილიყო წმინდა სამებისა, ჩვენ ალბათ ვერ ავაშენებდით ამ ტაძარს. დღეს თქვენი დღესასწაულია ბავშვებო, თქვენ უნდა იცოდეთ, რომ ღმერთი ყველაფერს ხედავს, ყველაფერი ესმის. თქვენ უნდა იყოთ მაგალითი ხალხისთვის“, - ბრძანა პატრიარქმა.

ილია მეორე - დღეს თქვენი დღესასწაულია ბავშვებო, უნდა იცოდეთ, რომ ღმერთი ყველაფერს ხედავს

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს