მიხეილ სააკაშვილი - ხელისუფლებასთან მოლაპარაკებებისთვის მზად ვართ, მაგრამ ეს მხოლოდ მათი გადადგომის და მოპარული მილიარდების დაბრუნებას შეეხება

ჩვენ ხელისუფლებასთან მოლაპარაკებებისთვის მზად ვართ, მაგრამ მოლაპარაკება მხოლოდ ერთ საკითხს - მათი გადადგომის და მოპარული მილიარდების დაბრუნებას შეეხება, - ამის საქართველოს ყოფილმა პრეზიდენტმა, პარტია ”ახალი ძალების” ლიდერმა მიხეილ სააკაშვილმა კიევში მიმდინარე აქციაზე სიტყვით გამოსვლისას განაცხადა.

კიევში, მიხეილ სააკაშვილის მხარდამჭერებმა მსვლელობა შევჩენკოს პარკიდან დაიწყეს. შემდეგ მაიდანზე გადაინაცვლეს, სადაც მიტინგი ჩაატარეს, მიტინგის დასრულების შემდეგ კი კულტურის საერთაშორისო ცენტრისკენ გაემგზავრნენ.

როგორც მიხეილ სააკაშვილმა აღნიშნა, ბრძოლას გააგრძელებენ. ამასთან, სააკაშვილმა ის საკითხები დაასახელა, რომელზეც მზად არის უკრაინის ხელისუფლებასთან მოლაპარაკებები გამართოს.

”ჩვენ ხელისუფლებასთან მოლაპარაკებებისთვის მზად ვართ, მაგრამ მოლაპარაკება მხოლოდ ერთ საკითხს - მათი გადადგომის და მოპარული მილიარდების დაბრუნებას შეეხება“, - განაცხადა სააკაშვილმა.

სხვადასხვა მონაცემებით, აქციაზე დაახლოებით 10 000 ადამიანი იყო მისული.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან