ბათუმში ხანუქას დღესასწაული აღნიშნეს

ბათუმში ხანუქას დღესასწაული აღნიშნეს. აჭარის უმაღლესი საბჭოს პრესსამსახურის ინფორმაციით, საბჭოს თავმჯდომარე დავით გაბაიძე, აჭარის მთავრობის თავმჯდომარე ზურაბ პატარაძე, აღმასრულებელი ხელისუფლებისა და სხვადასხვა დიასპორის წარმომადგენლები ბათუმის სინაგოგაში ხანუქას დღესასწაულს დაესწრნენ.

ებრაული დიასპორის ხელმძღვანელმა ემირ კრუპნიკმა სტუმრებთან ერთად 8-ქიმიან მენორაზე სანთლები დაანთო, რაც სინათლის სიბნელეზე გამარჯვებას ნიშნავს.

ხანუქა-ს ებრაელები ჩვენს წელთაღრიცხვამდე მე–2 საუკუნიდან აღნიშნავენ. დღესასწაული ტაძრის გათავისუფლებასა და კერპებისაგან განწმენდას უკავშირდება.