საქართველოს მესამე პრეზიდენტმა მიხეილ სააკაშვილმა უკრაინის ლიდერს პეტრო პოროშენკოს ტელეკამერების წინ შეხვედრა შესთავაზა. „უკრაინსკაია პრავდას“ ინფორმაციით, ამის შესახებ სააკაშვილმა კიევის ცენტრში „იმპიჩმენტის მარშზე“ განაცხადა.

სააკაშვილის განცხადებით, მზადაა უკრაინის მეთაურთან მოლაპარაკებათა მაგიდასთან დაჯდეს, ოღონდ მოწმეთა თანდასწრებით.

„მზად ვარ მას კიდევ ერთხელ შევხვდე. ვთავაზობ ტელეკამერების წინ შეხვედრას ადამიანების თანდასწრებით და საუბარს იმის შესახებ, წყნარად როგორ ჩამოვაშოროთ ოლიგარქები ხელისუფლებას, როგორ ჩავატაროთ თავისუფალი არჩევნები, როგორ დავასრულოთ უკრაინელთა გულისამრევი დამცირება. უსისხლოდ, ძალადობისა და ესკლაციის გარეშე“, - განაცხადა სააკაშვილმა.

მიხეილ სააკაშვილი პეტრო პოროშენკოს ტელეკამერების წინ პირისპირ შეხვედრას სთავაზობს