ბათუმში, აღმაშენებლის ქუჩაზე ქურდობის ბრალდებით ერთი პირი დააკავეს. შემთხვევა ე.წ. ხოფის ბაზრობის მიმდებარე ტერიტორიაზე მოხდა.
თვითმხილველების ინფორმაციით, საშუალო ასაკის მამაკაცი მაღაზიიდან 3000 ლარამდე თანხის მოპარვას ცდილობდა.
როგორც "ინტერპრესნიუსს" შინაგან საქმეთა სამინისტროში განუცხადეს, მომხდარის გამო ერთი პირია დაკავებული. მათივე ინფორმაციით, გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს. აღნიშნული მუხლი 3 დან 5 წლამდე თავისუფლების აღვეთას ითვალისწინებს.