პარტია ”სოციალ-დემოკრატები - საქართველოს განვითარებისთვის“ ხვალ ყრილობას გამართავენ

ხვალ, რუსთაველის თეატრის მცირე დარბაზში პარტია ”სოციალ-დემოკრატები - საქართველოს განვითარებისთვის“ მესამე ყრილობა გაიმართება.

პარტიის პრესსამსახურის ინფორმაციით, ყრილობის დღის წესრიგშია არსებული სოციალური, ეკონომიკური და პოლიტიკური ვითარების შეფასება; ქვეყნის განვითარების ალტერნატიული ხედვის წარდგენა; პარტიის დამოუკიდებელი მოქმედების სტრატეგია და საზოგადოებასთან ურთიერთობის ახალი ფორმატი.

მათივე ცნობით, ყრილობაზე განხილული იქნება 2020 წლის საპარლამენტო არჩევნებში დამოუკიდებლად მონაწილეობის საკითხი.

გარდა ამისა, გაიმართება პარტიული გაზეთის ”სოციალ დემოკრატი”-ს პირველი ნომრის პრეზენტაცია.

ყრილობა ხელმძღვანელი ორგანოების არჩევნებით დასრულდება.