ზურაბ ალავიძე - ჩვეულებრივად ვაგრძელებთ მუშაობას პრემიერიც და გუნდიც

არაფერი არ იგეგმება, გუნდი მუშაობს ჩვეულებრივად, - ამის შესახებ რეგიონული განვითარებისა და ინფრასტრუქტურის მინისტრმა ზურაბ ალავიძემ პრემიერ-მინისტრის შესაძლო გადადგომასა და მის ადგილას გიორგი გახარიას დანიშვნასთან დაკავშირებული კითხვის პასუხად განაცხადა.

"გულწრფელად გეუბნებით, ამას საფუძველი არ აქვს. დაველოდოთ მოვლენებს. არაფერი არ იგეგმება, გუნდი მუშაობს ჩვეულებრივად. ამ მითქმა-მოთქმებს არანაირი საფუძველი არ აქვს. ჩვეულებრივად ვაგრძელებთ მუშაობას პრემიერიც და მისი გუნდიც", - განაცხადა ალავიძემ.

მისივე თქმით, მას იმედი აქვს, რომ მთავრობის განახლებულ შემადგენლობასა და პროგრამას პარლამენტში დღეს სრული მხარდაჭერა ექნება.