„ახალი ძალების მოძრაობის“ ლიდერი, ოდესის ოლქის ყოფილი გუბერნატორი მიხეილ სააკაშვილი უკრაინის გენერალურ პროკურატურაში დაკითხვაზე მივიდა.

„მე აქ მოვედი, ვინაიდან დადგენილებას ვასრულებ. პატივს არ ვცემ უკრაინელ პროკურორებს, მაგრამ, პატივს ვცემ უკრაინულ კანონებს“, - განაცხადა მიხეილ სააკაშვილმა.

სააკაშვილის თქმით, მის წინააღმდეგ დაწყებული პროცესის მიზანია იმის ჩვენება, რომ „ის ФСБ-ს აგენტია, რომელიც უკრაინაში გადატრიალების ჩადენას ცდილობს“.

„ქურდებმა და კორუფციონერებმა, რომლებიც ამ შენობაში სხედან, ვერაფერი უკეთესი ვერ მოიფიქრეს, ვიდრე ФСБ-ს აგენტად გამოვეცხადებინე“, - აღნიშნა მან.