უკრაინის პროკურატურა მიხეილ სააკაშვილს დაკითხვაზე მეორედ გამოიძახებს

საქართველოს ყოფილ პრეზიდენტ მიხეილ სააკაშვილს უკრაინის გენერალურ პროკურატურაში დაკითხვაზე კიდევ ერთხელ გამოიძახებენ.

ამის შესახებ პროკურორმა ალექსანდრე გოვორუშჩაკმა განაცხადა.

„ეჭვმიტანილმა სააკაშვილმა არ შეასრულა ეჭვმიტანილის სტატუსით გათვალისწინებული ვალდებულებები, ამიტომ მას დაკითხვაზე მეორედ გამოიაძახებენ“, - განაცხადა ბრიფინგზე გოვორუშჩაკმა.

მისი თქმით, თუ სააკაშვილი დაკითხვას მეორედაც ჩაშლის, გენერალური პროკურატურა კანონით გათვალისწინებულ ზომებს მიიღებს.

შეგახსენებთ, რომ დღეს სააკაშვილი მივიდა პროკურატურაში, შენობის ჰოლში ჟურნალისტებს გაესაუბრა, მაგრამ დაკითხვაზე უარი განაცხადა და შენობა დატოვა.