ფოთში, აკაკისა და ნინოშვილის ქუჩების კვეთაზე ავტოსაგზაო შემთხვევა მოხდა. ერთმანეთს ორი მსუბუქი ავტომანქანა შეეჯახა. შემთხვევის შედეგად ერთი პირი დაშავდა. ის სასწრაფო სამედიცინო დახმარების ბრიგადამ ფოთის ცენტრალურ კლინიკურ საავადმყოფოში გადაიყვანა.

ექიმების ინფორმაციით, დაშავებულის მდგომარეობა საშუალო სიმძიმისაა.

,,46 წლის ქალი რეანიმაციულ განყოფილებაშია მოთავსებული. უტარდება ყველა საჭირო კვლევა და მკურნალობა. პაციენტის მდგომარეობა საშუალო სიმძიმისაა და საჭიროებს დინამიურ დაკვირვებას“, - განაცხდა კლინიკის დირექტორმა თეა მიგინეიშვილმა.

ადგილზე მობილიზებული იყო საპატრულო პოლიცია. შსს-მ გამოძიება სსკ-ის 276-ე მუხლის პირველი ნაწილით დაიწყო, რაც ჯანმრთელობის მსუბუქად დაზიანებას გულისხმობს.