ლიბიის ყოფილი ლიდერის, მუამარ კადაფის ვაჟი სეიფ ალ-ისლამი ქვეყნის საპრეზიდენტო არჩევნებში მონაწილეობის მიღებას გეგმავს. ამის შესახებ გაზეთ Egypt Today-ს კადაფის ოჯახის წარმომადგენელმა ბასემ ალ-ჰაშიმ ას-სოულმა განუცხადა.
„სეიფ ალ-ისლამი კენჭს იყრის მომავალ საპრეზიდენტო არჩევნებში, რომელიც სავარაუდოდ 2018 წელს ჩატარდება“, - განაცხადა მან.
2011 წელს ამბოხებულებმა მუამარ კადაფი და მისი ერთ-ერთი ვაჟი მუატასემა მოკლეს. კიდევ ერთი ვაჟი, ჰამისი, ტრიპოლის დაბომბვისას დაიღუპა. სეიფ ალ-ისლამი ტყვედ აიყვანეს, 2015 წლის ივლისში კი სიკვდილით დასჯა მიუსაჯეს. მიმდინარე წლის ივნისში შეიარაღებულმა დაჯგუფებამ „აბუ ბაქრ ას-სიდდიკმა“, რომლის ტყვეობაში სეიფ ალ-ისლამმა დაახლოებით 6 წელი გაატარა, განაცხადა, რომ ამ უკანასკნელს ათავისუფლებდა ლიბიის პარლამენტის მიერ გამოცემულ საყოველთაო ამნისტიაზე დაყრდნობით. 2011 წლიდან მისი გათავისუფლებისთვის საერთაშორისო სისხლის სამართლის სასამართლოც იბრძოდა.