რუსთავის მერიის ააიპ ,,ბაგა-ბაღების გაერთიანებამ“, სკოლამდელი აღზრდის დაწესებულებებისათვის წიგნები შეიძინა.
როგორც ,,ინტერპრესნიუსთან“ საუბარში ,,რუსთავის ბაგა-ბაღების გაერთიანების“ ხელმძღვანელმა ეკატერინე ხუციშვილმა განაცხადა, ახალი წიგნებით ბაგა-ბაღების ბიბლიოთეკების შევსება აქტიურად მიმდინარეობს.
,,საწყის ეტაპზე, ექვსი დასახელების 3 742 ლარის ღირებულების წიგნი შევიძინეთ. მათ შორის არის ზღაპრებისა და ლექსების კრებულები, ასევე შემეცნებითი ლიტერატურა. წიგნების შერჩევა გაერთიანების მეთოდკაბინეტის თანამშრომლების მიერ მოხდა. ამასთან ერთად, ახალი წლიდან, შევიძენთ ისეთ წიგნებს, რომლებიც სხადასხვა თვალსაჩინოებებს შეიცავს, მაგალითად ფაზლებსა და ატლასებს“, - განაცხადა ეკატერინე ხუციშვილმა.
მისივე თქმით, შეძენილი წიგნები რუსთავის 20 ბაგა-ბაღში გადანაწილდა.