მოსკოვში სახელმწიფო დუმის შენობის აფეთქების საფრთხე არ დადასტურდა. ამის შესახებ სააგენტო „რია ნოვოსტი“ საგანგებო სამსახურზე დაყრდნობით იუწყება.
როგორც უწყებაში განაცხადეს, სახელმწიფო დუმის შენობის შემოწმების შემდეგ საფრთხე მოიხსნა.
დღეს, მოსკოვში, ოპერატიულმა სამსახურებმა, რუსეთის სახელმწიფო დუმის შენობაში ასაფეთქებელი მოწყობილობის არსებობის შესახებ ანონიმური შეტყობინება მიიღეს.
სახელმწიფო დუმაში ნაღმის არსებობის შესახებ ინფორმაცია რამდენიმეჯერ ადრეც გავრცელდა, თუმცა საფრთხეები არ დადასტურებულა. დეკემბრის დასაწყისიდან მოყოლებული კი, ეს უკვე მესამე შემთხვევაა.