ირაკლი კობახიძე პოლონეთის რესპუბლიკის სეიმის მარშალს შეხვდა

საქართველო, სავარაუდოდ, მომავალი წლის გაზაფხულზე ქართულ-პოლონურ საპარლამენტო ასამბლეას უმასპინძლებს. ამის შესახებ საქართველოს პარლამენტის თავმჯდომარე, ირაკლი კობახიძესა და პოლონეთის რესპუბლიკის სეიმის მარშალ, მარეკ კუჩინსკის შორის დღეს გამართულ შეხვედრაზე გადაწყდა.

როგორც „ინტერპრესნიუსს“ საქართველოს პარლამენტიდან აცნობეს, მხარეებმა ორმხრივი ურთიერთობების გაღრმავების პერსპექტივებსა და საპარლამენტთაშორისო თანამშრომლობის გააქტიურებაზე ისაუბრეს.

მათი განცხადებით, საპარლამენტო თანამშრომლობის შეთანხმება, რომელიც საქართველოს პარლამენტს, პოლონეთის სეიმსა და სენატს შორის დღეს გაფორმდება, საპარლამენტო ურთიერთობას განვითარების ახალ ეტაპზე გადაიყვანს. აღინიშნა, რომ აქტიურად იმუშავებენ საპარლამენტო მეგობრობის ჯგუფები, ასევე, დინამიურ ხასიათს მიიღებს საპარლამენტო კომიტეტების თანამშრომლობა.

შეხვედრაზე საქართველოს ევროპულ და ევროატლანტიკურ სტრუქტურებში ინტეგრაციის პროცესი განიხილეს. საუბარი შეეხო საქართველოს ოკუპირებულ ტერიტორიებსა და რეგიონში არსებულ ვითარებას. მარეკ კუჩინსკიმ კიდევ ერთხელ დაადასტურა, რომ პოლონეთი საქართველოს დასავლური მისწრაფებებისა და ჩვენი ქვეყნის სუვერენიტეტისა და ტერიტორიული მთლიანობის მტკიცე მხარდამჭერია.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან