ნინო ჯანგირაშვილი - კერძო ტელევიზიებისთვის სასურველი გადაწყვეტილებაა, პრეზიდენტმა ვეტო დაადოს „მაუწყებლობის შესახებ“ კანონპროექტს
ჩვენთვის სასურველი გადაწყვეტილება არის, რომ პრეზიდენტმა ვეტო დაადოს კანონპროექტს, - ამის შესახებ პრეზიდენტის, არასამთავრობო ორგანიზაციების და ტელევიზიების წარმომადგენლებს შორის გამართული შეხვედრის შემდეგ, ტელეკომპანია "კავკასიის" გენერალურმა დირექტორმა ნინო ჯანგირაშვილმა განაცხადა.
მისი თქმით, ამ ეტაპზე არანაირი შეთანხმება არ მომხდარა.
"შეთანხმებით არაფერზე შევთანხმებულვართ. პრეზიდენტს ვუთხარით ჩვენი არგუმენტები ყველა ასპექტში - დაწყებული კომერციული ნაწილით, დამთავრებული გამჭვირვალეობით და ა.შ. პრეზიდენტმა მოისმინა ეს არგუმენტები, შეხვდება საზოგადოებრივი მაუწყებლის წარმომადგენლებსაც და საბოლოოდ მიიღებს გადაწყვეტილებას. ჩვენთვის სასურველი გადაწყვეტილება არის, რომ მან ვეტო დაადოს კანონპროექტს",- განაცხადა ჯანგირაშვილმა.
