ნაძალადევში, ლეჩხუმის პირველი შესახვევის რეაბილიტაცია დასრულდა

ნაძალადევის რაიონში, ლეჩხუმის პირველი შესახვევის კაპიტალური რეაბილიტაცია დასრულდა. როგორც „ინტერპრესნიუსს“ თბილისის მერიიდან აცნობეს, შესრულებულ სამუშაოებს ნაძალადევის რაიონის გამგებელი ირაკლი ხელაძე და საკრებულოს მაჟორიტარ დეპუტატ დავით ჭელიძესთან ერთად, ადგილზე გაეცნო.

„50 წელზე მეტია ამ ქუჩაზე ასფალტის საფარი არ დაგებულა. ადგილობრივ მცხოვრებლებს წვიმიან ამინდში ძალიან დიდი დისკომფორტი ექმნებოდათ. ახლა უკვე მოწესრიგებულია საგზაო ინფრასტრუქტურა და მოსახლეობაც კმაყოფილია, რადგან პროექტის მიმდინარეობისას, მაქსიმალურად ვეცადეთ, მათი ყველა მოთხოვნა გაგვეთვალისწინებინა“, - განაცხადა ნაძალადევის რაიონის გამგებელმა.

საგზაო სამუშაოების ფარგლებში, ლეჩხუმის პირველ შესახვევში ორი ფენა ასფალტის საფარი დაიგო და მოეწყო ბორდიურები. ინფრასტრუქტურული პროექტი ნაძალადევის რაიონის გამგეობის დაფინანსებით განხორციელდა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა