19 და 20 დეკემბერს მიხეილ თუმანიშვილის სახელობის კინომსახიობთა თეატრში სპექტაკლის „ედიტ პიაფი“ თბილისური პრემიერა შედგება.

როგორც „ინტერპრესნიუსს“ კულტურის სამინისტროდან აცნობეს, მიხეილ თუმანიშვილის სახელობის კინომსახიობთა თეატრი ბათუმის დრამატული თეატრის "ახალი სცენა" და ქუთაისის ლადო მესხიშვილის სახელობის თეატრის ერთობლივ კო-პროდუქციას მასპინძლობს.

სამინისტროს განცხადებით, სპექტაკლის პრემიერა 2017 წლის ოქტომბერში, ბათუმში, შემდეგ კი ქუთაისში შედგა. რეჟისორმა გიორგი სიხარულიძემ ორი თეატრის სინთეზში, საფრანგეთის ლეგენდის, მომღერლისა და მსახიობის, ედიტ პიაფის ბოლო წლების ცხოვრება, ნინო სადღობელაშვილის პიესის მიხედვით დადგა.