გეგმური სარეაბილიტაციო სამუშაოების გამო, „ენერგო-პრო ჯორჯიას” აბონენტების ნაწილს ელექტროენერგიის მიწოდება შეეზღუდება.

როგორც ”ინტერპრესნიუსს” კომპანიიდან აცნობეს, 19 დეკემბერს, 12:00 საათიდან 13:30 საათამდე ელექტროენერგიის მიწოდება შეეზღუდება 160 აბონენტს სოფელ დიღომში, ლუარსაბ ანდრონიკაშვილის, ილია შეყლაშვილის, წყაროსუბნის და მიმდებარე ტერიტორიაზე, 12:00 საათიდან 14:00 საათამდე 704 აბონენტს მცხეთის რაიონის სოფლებში წინამძღვრიანთკარი, ბურიანი, საგურამო, ზაქარო და მიმდებარე სოფლებში, 12:00 საათიდან 18:00 საათამდე 927 აბონენტს დუშეთის რაიონის სოფლებში ახალშენი, მჭადიჯვარი, ჭილურტი, ზემო შუახევი და მიმდებარე სოფლებში, 14:00 საათიდან 16:00 საათამდე 477 აბონენტს მცხეთის რაიონის სოფლებში ბიწმენდი, ჯიღაურა, ნავდარაანთკარი და მიმდებარე სოფლებში.

სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.