გაერო-ს ახალგაზრდული ასამბლეის დელეგატებს უმაღლეს საბჭოში უმასპინძლეს

აჭარის უმაღლესი საბჭოს თავმჯდომარემ დავით გაბაიძემ, უმაღლესი საბჭოს წევრებმა ვლადიმერ მგალობლიშვილმა და გიორგი რომანაძემ გაერო-ს ახალგაზრდული ასამბლეის დელეგატებს უმასპინძლეს.

როგორც ”ინტერპრესნიუსს” უმაღლესი საბჭოდან აცნობეს, საკანონმდებლო ორგანოს თავმჯდომარემ და დეპუტატებმა ახალგაზრდებს უმაღლესი საბჭოს საქმიანობა, მის ფუნქციები და მუშაობის ძირითადი პრინციპები გააცნეს, ისაუბრეს ახალგაზრდების ჩართულობის მნიშვნელობაზე სამოქალაქო საზოგადოების ჩამოყალიბების საქმეში და უპასუხეს მათ შეკითხვებს.

პროექტი სახელწოდებით - „გაერო-ს ახალგაზრდული ასამბლეა 2017“ ბათუმში, სასტუმრო „ შერატონში“ 16 დეკემბერს გაიხსნა და მასში მონაწილეობს საქართველოს თითქმის ყველა მუნიციპალიტეტის ათასამდე მოსწავლე-ახალგაზრდა. ასამბლეა მუშაობას დღეს დაასრულებს.