მიხეილ ჯანელიძე ლიტვის საგარეო საქმეთა მინისტრის მოადგილეს, დარიუს სკუსევიჩიუსს შეხვდა

საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ ლიტვის დელეგაცია მიიღო, რომელსაც საგარეო საქმეთა მინისტრის მოადგილე დარიუს სკუსევიჩიუსი ხელმძღვანელობდა.

საგარეო საქმეთა სამინისტროს პრესსამსახურის ინფორმაციით, შეხვედრაზე საუბარი შეეხო ევროკავშირთან თანამშრომლობის გაღრმავების საკითხებს, საქართველოს პროგრესს ამ მიმართულებით და ასევე „აღმოსავლეთ პარტნიორობის“ მე-5 სამიტის შედეგებს.

„ლიტვურმა მხარემ უაღრესად დადებითად შეაფასა საქართველოს მიერ ევროინტეგრაციის პროცესში გაწეული ძალისხმევა და განხორციელებული რეფორმები. მხარეებმა განიხილეს საქართველო-ევროკავშირის ურთიერთობების განვითარების შემდგომი პერსპექტივები და გეგმები. მიხეილ ჯანელიძემ ლიტვურ მხარეს მადლობა გადაუხადა განსაკუთრებული მხარდაჭერისა და აქტიური წვლილისთვის საქართველოს ევროინტეგრაციის პროცესში.

შეხვედრაზე ხაზგასმით აღინიშნა საქართველოსა და ლიტვას შორის არსებული ორმხრივი ურთიერთობები და მათი შემდგომიგაღრმავებისა და გაძლიერების მნიშვნელობა“, - ნათქვამია პრესრელიზში.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა