ირაკლი კობახიძე - დამატებითი ფრაქციების შექმნა მართვის ოპტიმიზაციას ხელს შეუწყობს

ძალიან მნიშვნელოვანია, რომ უმრავლესობაში განხორციელდეს პროცესების სწორი მართვა და ჩვენი აზრით, დამატებითი ფრაქციების შექმნა მართვის ოპტიმიზაციას ხელს შეუწყობს, - ამის შესახებ საქართველოს პარლამენტის თავმჯდომარემ ჟურნალისტებს უმრავლესობაში ორი დამატებითი ფრაქციის შექმნის შესახებ საუბრისას განუცხადა.

ირაკლი კობახიძემ კიდევ ერთხელ აღნიშნა, რომ უმრავლესობაში განხეთქილების შესახებ საუბარი არის სპეკულაცია, რომელიც ყოველგვარ საფუძველსაა მოკლებული.

„ჩვენ ვახერხებდით აქამდეც, უმრავლესობის შიგნით, ურთიერთობების სათანადოდ დარეგულირებას, მართვას. ძალიან მნიშვნელოვანია, რომ უმრავლესობაში განხორციელდეს პროცესების სწორი მართვა და ჩვენი აზრით, დამატებითი ფრაქციების შექმნა ხელს შეუწყობს მართვის ოპტიმიზაციას უმრავლესობის შიგნით. ეს არის ფრაქციების ჩამოყალიბების მიზანი. ეს იყო გარკვეული სპეკულაციები, რომლებსაც არავითარი საფუძველი არ აქვს, მთლიანად, საფუძველს იყო მოკლებული ეს საუბარი“,- განაცხადა პარლამენტის თავმჯდომარემ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა