გიორგი კახიანი - უმრავლესობის რიგებში არანაირი დაპირისპირება არ არსებობს

უმრავლესობის რიგებში არანაირი დაპირისპირება არ არსებობს, - ამის შესახებ ”პალიტრანიუსის” გადაცემაში ”360 გრადუსი” პარტია ”ქართული ოცნების” წევრმა გიორგი კახიანმა განაცხადა.

მისი თქმით, ორ ახალ ფრაქციასთან დაკავშირებით გამოწვეული რეზონანსი იმ ჭორების დამსახურებაა, რომელიც შიდაპარტიულ დაპირისპირებას უკავშირდება. უმრავლესობის დეპუტატი ასევე ჭორს უწოდებს ინფორმაციას, რომ თანამდებობა შესაძლოა მთავრობის მეთაურმაც დატოვოს.

”ფრაქციების თემასთან დაკავშირებით აჟიოტაჟი ატყდა იმიტომ, რომ გავრცელდა ჭორები, რომლის მიხედვითაც, ფრაქციების დაშლა შეიძლება შიდა პოლიტიკურ დაპირისპირებას უკავშირდებოდეს. ეს არის ყოვლად უსაფუძვლო ეჭვი, არანაირი შეხება მას სიმართლესთან არ აქვს. არანაირი დაპირისპირება არ არსებობს უმრავლესობის რიგებში. იმაზეც საუბრობენ, რომ გიორგი კვირიკაშვილი აღარ იქნება პრემიერი, მაშინ, როდესაც ოფიციალურად წარდგენილია მთავრობის მთელი შემადგენლობა”, - განაცხადა გიორგი კახიანმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა