ვასილ მაღლაფერიძე - პრეზიდენტთან ვეტოზე საუბარი არ ყოფილა

საქართველოს პრეზიდენტი გიორგი მარგველაშვილი გუშინ „საზოგადოებრივი მაუწყებლის“ მენეჯმენტის წარმომადგენლებს შეხვდა. როგორც შეხვედრის დასრულების შემდეგ მაუწყებლის გენერალურმა დირექტორმა განაცხადა, „მაუწყებლობის შესახებ კანონში“ ცვლილებებთან დაკავშირებით ვეტოზე საუბარი საერთოდ არ ყოფილა.

"ვეტოზე საერთოდ არ გვქონია საუბარი. მას ავუხსენით იმ გეგმების შესახებ, რაც აქვს „საზოგადოებრივ მაუწყებელს“, ასევე, იმ კანონპროექტის არსი, რომელიც განიხილება და რომელსაც ზოგი ჩვენი ოპონენტი განზრახ და ზოგი შესაძლოა უნებლიედ, არასწორად განმარტავს ხოლმე. დღევანდელ შეხვედრაზე ჩავიარეთ ყველა მუხლი. შეხვედრა იყო ძალიან საინტერესო. ვფიქრობ, რაც უფრო მეტი იქნება ასეთი საქმიანი შეხვედრები, მით უფრო ბევრი ადამიანი გაეცნობა რეალურ ვითარებას. ტრაგიკულად ნუ დახატავთ ვითარებას, რომ ვინმეს საარსებო წყაროს ვართმევთ. მედიაპლურალიზმი ყველას მონაპოვარია და თითოეული მოქალაქისთვის არის აუცილებელი", - განაცხადა ვასილ მაღლაფერიძემ.

რაც შეეხება შესყიდვებთან დაკავშირებით კრიტიკას, მაღლაფერიძის თქმით, მათი მოთხოვნაა, შემოქმედებითი პროდუქციის გათავისუფლება ტენდერებისგან. "ჩვენ ვითხოვთ არა შესყიდვებისგან გათავისუფლებას, არამედ შემოქმედებითი პროდუქციის გაყიდვის გათავისუფლებას ტენდერებისგან. გადაცემას და ფილმს არ უნდა ვიძენდეთ ისე, როგორც ცემენტსა და კონდიციონერს. ევროკავშირის მოთხოვნაა, რომ საქართველო 2019 წელს მთლიანად თავისუფლდება ამ ტიპის პროდუქციის ტენდერებისგან", - აღნიშნა ვასილ მაღლაფერიძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს