საქართველოს ექსპრეზიდენტმა მიხეილ სააკაშვილმა მიტინგებისა და მარშების შეწყვეტის გადაწყვეტილება მიიღო. ტელეარხ „ზიკის“ ინფორმაციით, ამის შესახებ „ახალი ძალების მოძრაობის“ პოლიტსაბჭოს წევრმა ივან ლოზოვოიმ განაცხადა.

მისი თქმით, აღნიშნული გადაწყვეტილება მიღებულია კიევში, ოქტომბრის სასახლესთან გუშინ მომხდარი ინციდენტის გამო.

„ოპოზიცია - ეს არის ძალიან მნიშვნელოვანი ნაწილი დემოკრატიის. პოლიტიკა ოპოზიციის გარეშე არის ავტორიტარიზმი და დიქტატურა. მიხეილ სააკაშვილმა გამოაცხადა, რომ ჯერ სრული მორატორიუმი იმოქმედებს მომდევნო მარშებთან და მიტინგეთან დაკავშირებით იმის გათვალისწინებით, რაც მოხდა გუშინ“, - განაცხადა ლოზოვოიმ, თუმცა აქვე დასძინა, რომ პარტია ოპოზიციურ აქტივობას არ შეწყვეტს.