არგენტინაში საპენსიო რეფორმის მოწინააღმდეგეების პოლიციასთან შეტაკებებისას დაშავებულთა რიცხვი 162-მდე გაიზარდა. ამის შესახებ Todo Noticias იუწყება.
გამოცემის ინფორმაციით, სამედიცინო დახმარება 162 ადამიანმა მოითხოვა, მათგან 80 სამართალდამცველია. პოლიციამ სულ 81 ადამიანი დააკავა.
დემონსტრანტებმა პოლიციას ქვები და ბოთლები დაუშინეს, სამართალდამცველებმა კი მათ წინააღმდეგ რეზინის ტყვიები და ცრელმსადენი გაზი გამოიყენეს.
არგენტინის მთავრობა სახელმწიფო დეფიციტის შესამცირებლად საპენსიო რეფორმის გატარებას გეგმავს. ახლა კანონპროექტს კონგრესის დეპუტატთა პალატა იხილავს.