ეროვნულ სატყეო პროგრამასთან დაკავშირებით შეხვედრა გაიმართა

სასტუმრო „თბილისი მარიოტში“ ეროვნულ სატყეო პროგრამასთან დაკავშირებით მეოთხე პლენარული შეხვედრა გაიმართა.

როგორც „ინტერპრესნიუსს“ გარემოსა და ბუნებრივი რესურსების დაცვის სამინისტროდან აცნობეს, საერთაშორისო დონორი და გარემოსდაცვითი არასამთავრობო ორგანიზაციების წარმომადგენლებს, გარემოს დაცვისა და სოფლის მეურნეობის მინისტრმა ლევან დავითაშვილმა სატყეო სექტორის, როგორც დარგის განვითარების მნიშვნელობაზე ესაუბრა. შეხვედრის მონაწილეებს ასევე, მინისტრის მოადგილემ სოლომონ პავლიაშვილმა მიმართა.

გარემოსა და ბუნებრივი რესურსების დაცვის სამინისტრომ 2013 წელს დაიწყო ეროვნული სატყეო პროგრამა, რომელსაც კოორდინაციას უწევს სატყეო პოლიტიკის სამმართველო. ეროვნული სატყეო პროგრამის მიზანია საქართველოში სატყეო სექტორის რეფორმის ხელშეწყობა და გადაწყვეტილების მიღების პროცესში დაინტერესებული მხარეების ჩართულობა.

ეროვნული სატყეო პროგრამის მეოთხე პლენარულ შეხვედრაზე სატყეო რეფორმის ბოლო 2 წლის პროგრესი შეაჯამეს, სადაც წარმოდგენილი იყო 2016-2017 წლის განმავლობაში მომზადებული დოკუმენტები: ტყის კოდექსის პროექტი, ტყის მდგრადი მართვის კრიტერიუმები და ინდიკატორები, ასევე სატყეო განათლების სტრატეგია.

ეროვნული სატყეო პროგრამის ფარგლებში, შეიქმნა 9 სამუშაო ჯგუფი, გაიმართა 300-მდე სამუშაო შეხვედრა, ჩართულია 70-მდე სამთავრობო და არასამთავრობო ორგანიზაციების, ასევე აკადემიური წრეების, სამოქალაქო საზოგადოების, დონორი და პარტნიორი ორგანიზაციების 270 - მდე წარმომადგენელი. ეროვნული სატყეო პროგრამა ხელს უწყობს თემატური და სტრატეგიული დოკუმენტების მომზადებას.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა