გერმანიის თავდაცვის მინისტრმა ურსულა ფონ დერ ლეიენმა ავღანეთში გერმანელი სამხედროების მონახულებისას განაცხადა, რომ 2014 წელს, ISAF- ის მისიის დასრულების შემდეგ გერმანიამ ძალების შემცირება იჩქარა. მინისტრის ვარაუდით, ავღანეთში კონფლიქტი ახლო მომავალში არ დასრულდება.

„არ მავიწყდება ჩვენი გამოსვლის დასაწყისი. ეს იყო ჩვენი ძალების ძალიან სწრაფი შემცირება“, - განაცხადა ურსულა ფონ დერ ლეიენმა და აღნიშნა, რომ ყველასთვის ცხადია, ავღანეთის კონფლიქტი ჯერ კიდევ მიმდინარეობს.

გერმანიის შეიარაღებული ძალები ავღანეთში 16 წლის განმავლობაში იმყოფებიან, მას შემდეგ რაც 2001 წლის 11 სექტემბრის შემდეგ აშშ-ს ტერორიზმის წინააღმდეგ ბრძოლაში მხარი დაუჭირა.

„ჯერ კიდევ ბევრია გასაკეთებელი, მაგრამ მჯერა, რომ ჩვენი მისია სწორი მიმართულებით მიმდინარეობს. ჩვენ დიდი გამძლეობის გამოჩენა დაგვჭირდება - ავღანეთის კონფლიქტი კიდევ დიდ დროს წაგვართმევს“, - განაცხადა გერმანიის თავდაცვის მინისტრმა და აღნიშნა, რომ ავღანეთის არმიას ჯერ კიდევ სჭირდება გაწვრთნა და კოალიციის ძალების თანადგომა.