ხელვაჩაურის მუნიცპილიტეტში 17 წლის ბიჭმა, სავარაუდოდ, სანადირო თოფით თვითდაზიანებები მიიყენა. დაშავებული კლინიკა "მედინაში" მოათავსეს.
შემთხვევა გუშინ, გვიან ღამით მოხდა. როგორც ბათუმის სასწრაფო სამედიცინო დახმარების ცენტრში „ინტერპრესნიუსთან“ საუბრისას განაცხადეს, არასრულწლოვანს მძიმე დაზიანება სახის არეში აღენიშნება.
მომხდართან დაკავშირებით გამოძიება 117-ე მუხლით დაიწყო, რაც ჯანმრთელობის განზრახ დაზიანებას გულისხმობს.
ცნობისთვის, სუიციდის მცდელობა სისხლის სამართლებრივად დასჯადი ქმედებაა. თვითმკვლელობის მიზნით დაზიანებების მიყენების შემთხვევაში გამოძიება სისხლის სამართლის კოდექსის სხვადასხვა მუხლებით იწყება, რომელთა დიდი ნაწილი მძიმე სასჯელს, თავისუფლების აღვეთას ითვალისწინებს.