საერთაშორისო ტერორისტები, სირიასა და ერაყში დამარცხების შემდეგ, გადაჯგუფდნენ და ახლო აღმოსავლეთის ფარგლებს გარეთ მიემართებიან, - ამის შესახებ ФСБ-ს დირექტორი ალექსანდრე ბორტნიკოვი აცხადებს.

„მათი თავმოყრის ძირითადი ცენტრი ხდება ავღანეთი, სადაც „ისლამურ სახელმწიფოს“ უკვე აქვს დასაყდენი და საიდანაც „ბოევიკებს“ დსთ-ს ქვეყნების ტერიტორიებზე შეღწევის შესაძლებლობა აქვთ“, - განაცხადა ბორტნიკოვმა დსთ-ს სპეცსამსახურებისა და უსაფრთხოების ორგანოების ხელმძღვანელების საბჭოს სხდომაზე.

მისი თქმით, ტერორისტული დაჯგუფებები მომხრეებს „ავტონომიური ჯიჰადის“ წარმოებისკენ მოუწოდებენ.