ჩინეთის საელჩომ N37-ე ბაგა-ბაღს საჩუქრები გადასცა

თბილისის N37-ე საჯარო ბაგა-ბაღს ჩინეთის სახალხო რეპუბლიკის ელჩი საქართველოში ძი იენჩი მეუღლესთან ერთად ეწვია და საჩუქრები გადასცა.

ამის შესახებ „ინტერპრესნიუსს“ თბილისის მერიიდან აცნობეს.

ღონისძიებას თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე, ჩინეთის სახალხო რესპუბლიკის პოლიტიკური კონსული საქართველოში, GBTIMES Georgia-ს გენერალური დირექტორი, პარლამენტისა და თბილისის საკრებულოს წევრები ესწრებოდნენ.

ბაგა-ბაღის აღსაზრდელებმა მიწვეული სტუმრებისთვის საახალწლო ღონისძიება გამართეს. ბაგა-ბაღის დირექტორმა კი, ჩინეთის ელჩსა და პარტნიორ ორგანიზაციას ბაღისთვის მნიშვნელოვანი და საჭირო ინვენტარის გადაცემისთვის მადლობა გადაუხადა.

სტუმრებს სიტყვით მიმართა სააგენტოს ხელმძღვანელმა კახაბერ გვანცელაძემ, რომელმაც დიპლომატიური მისიის წარმომადგენლებს მადლობა გადაუხადა და იმედი გამოთქვა, რომ აღნიშნული თანამშრომლობა მომავალშიც გაგრძელდება.

ჩინეთ-საქართველოს შორის დიპლომატიური ურთიერთობების 25 წლისთავის ფარგლებში, ჩინეთის სახალხო რესპუბლიკის საელჩო საქართველოში სხვადასხვა ღონისძიებებს მართავს.

ახალი წლის მოახლოებასთან დაკავშირებით, საელჩომ აღნიშნულ საბავშვო ბაღზე პატრონაჟი აიღო და თანამშრომლობის პირველ ეტაპზე, 22 000 ლარის ღირებულების საჩუქრები გადასცა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს