ორბელიანის მოედანსა და მიმდებარე ტერიტორიაზე, 19-დან 24 დეკემბრის ჩათვლით, მოძრაობა შეიზღუდება. ამის შესახებ „ინტერპრესნიუსს“ თბილისის მერიიდან აცნობეს.
მათივე ცნობით, შეზღუდვა საინჟინრო-საკომუნიკაციო ქსელების სარეაბილიტაციო სამუშაოების გამო წესდება და ჯორჯაძის ქუჩიდან თაბუკაშვილის ქუჩის კვეთამდე ავტოტრანსპორტის მოძრაობა დროებით იზღუდება.
თბილისის მუნიციპალიტეტის მერია მოსახლეობას შექმნილი დისკომფორტისთვის ბოდიშს უხდის.