თელავში, ბატონის ციხის მუზეუმის მშენებლობა სრულდება

თელავში, ხუროთმოძღვრების ერთ-ერთი უმნიშვნელოვანესი ძეგლის ბატონის ციხის რეაბილიტაციის მეორე ფაზა სრულდება. როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროს პრესსამსახურიდან აცნობეს, სასახლის მიმდებარე ტერიტორიაზე თანამედროვე სტანდარტების მუზეუმი შენდება, აქ შეიქმნება საგამოფენო სივრცე და საკონფერენციო დარბაზები. ვიზიტორები და ტურისტები განახლებული ბატონის ციხის დათავლიერებას უახლოეს მომავალში შეძლებენ.

დასკვნითი ეტაპის სამუშაოებს, რეგიონული განვითარებისა და ინფრასტრუქტურის მინისტრი ზურაბ ალავიძე, კახეთის გუბერნატორთან და ადგილობრივ ხელისუფლების წარმომადგენლებთან ერთად ადგილზე გაეცნო.

როგორც რეგიონული განვითარებისა და ინფრასტრუქტურის სამინისტროს პრესსამსახურის მიერ გავრცელებულ ინფორმაციაშია აღნიშნული, პროექტის ფარგლებში, მოხდება როგორც მუზეუმის ტერიტორიის, ასევე ერეკლე მეფის სასახლის ტერიტორიის კეთილმოწყობა. გარდა ამისა, მოეწყობა ღია კაფე და ამფითეატრი. მუზეუმის შენობა და ტერიტორია სრულად იქნება ადაპტირებული შეზღუდული შესაძლებლობის მქონე პირებისთვის.

სამუშაოები მსოფლიო ბანკის ფინანსური მხარდაჭერით განხორციელდა და მისმა საერთო ღირებულებამ 6 მილიონ ლარზე მეტი შეადგინა. ბატონის სასახლის რეაბილიტაციის პირველი ფაზა, მუნიციპალური განვითარების ფონდმა 2016 წლის ოქტომბერში დაასრულა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა