დიმიტრი პესკოვი – აშშ-ს ეროვნული უსაფრთხოების ახალი სტრატეგია იმპერიალისტურ ხასიათს ატარებს

აშშ-ს ეროვნული უსაფრთხოების ახალი სტრატეგია იმპერიალისტურ ხასიათს ატარებს და გვიჩვენებს აშშ-ს მხრიდან ერთპოლარული მსოფლიოს ცნებაზე უარის თქმის სურვილის არარსებობას, - ასეთი განცხადება გააკეთა ჟურნალისტებთან საუბრისას რუსეთის პრეზიდენტის პრესმდივანმა დიმიტრი პესკოვმა.

მან ხაზი გაუსვა, რომ მოსკოვი ვერ დაეთანხმება დოკუმენტის განცხადებას იმის შესახებ, რომ რუსეთი შეერთებული შტატების უსაფრთხოებისთვის საფრთხეს წარმოადგენს.

„ამასთანავე, დოკუმენტში არის მოკრძალებული დადებითი ადგილებიც, სადაც საუბარია თანამშრომლობის შესახებ ამერიკის ინტერესებისთვის მისაღებ საკითხებზე. ეს ჩვენს მიდგომას პასუხობს, რომელიც რუსეთის პრეზიდენტმა ვლადიმერ პუტინმა განაცხადა და რომლის თანახმადაც, მოსკოვი ცდილობს თანამშრომლობას მისი ინტერესებისთვის მისაღებ საკითხებში. ეს თანამშრომლობა იქნება იმ დოზით, რა დოზითაც ამერიკელი კოლეგები მოინდომებენ ურთიერთობას“ , - დაამატა კრემლის წარმომადგენელმა.

იდეალური თანამშრომლობის მაგალითად კი პესკოვმა დაასახელა სპეცსამსახურების თანამშრომლობის შესახებ არსებული ინფორმაცია, რომლის მიხედვით სანკტ-პეტერბურგში დაგეგმილი ტერაქტი თავიდან აიცილეს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს