შინაგან საქმეთა სამინისტრომ რუსთაველის გამზირზე არასრულწლოვნის დაჭრის ფაქტზე გამოძიება განზრახ მკვლელობის მცდელობის მუხლით დაიწყო. ამის შესახებ „ინტერპრესნიუსს“ შსს-ს პრესსამსახურში განუცხადეს.

როგორც უწყებაში განმარტავენ, გამოძიება სისხლის სამართლის კოდექსის 19-108-ე მუხლით დაიწყო და ამ დროისთვის ინტენსიური საგამოძიებო მოქმედებები მიმდინარეობს.

თბილისში, მეტროს სადგურ "თავისუფლების მოედანთან" მოზარდი დაჭრეს. ამის შესახებ ინფორმაცია „ინტერპრესნიუსს“ სასწრაფო დახმარების სამსახურში დაუდასტურეს. მათივე ინფორმაციით, მოზარდი ინგოროყვას კლინიკაშია გადაყვანილი.

როგორც სასწრაფო დახმარების სამსახურში განაცხადეს, მოზარდს ჭრილობა გულ-მკერდის არეში, ცივი იარაღით აქვს მიყენებული.

რა მოხდა თბილისის ცენტრში - 15 წლის მოზარდს რუსთაველის გამზირზე დანით 4 ჭრილობა მიაყენეს