საუდის არაბეთის სახელმწიფო მედიის ცნობით, კოალიციამ იემენელი მეამბოხეების - ჰუსიტების მიერ საუდის არაბეთის დედაქალაქ ერ-რიადისკენ გაშვებული ბალისტიკური რაკეტა ჩამოაგდო.

საუდის არაბეთის ცნობით, რაკეტა საუდის არაბეთის ლიდერების კრებისკენ იყო მიმართული, რომლებიც ალ-იამამას სასახლეში იყვნენ შეკრებილნი.

ჰუსიტური მოძრაობის ტელევიზიის ცნობით, ამბოხებულებმა ალ-იამამას სასახლის მიმართულებით Burkan-2 ტიპის რაკეტა გაუშვეს.

გასულ თვეში გასროლილი იმავე ტიპის რაკეტა ერ-რიადის აეროპორტს მცირე მანძილით ასცდა.

საუდის არაბეთი და შეერთებული შტატები ჰუსიტური მოძრაობის რაკეტებით მომარაგებაში ირანს ადანაშაულებენ, თავის მხრივ, ამ ბრალდებას ირანი უარყოფს.

ჰუსიტები იემენის მთავრობისა და საუდის არაბეთის წინააღმდეგ 2015 წლიდან იბრძვიან.