ირაკლი კობახიძე ვარშავაში სტუდენტებს შეხვდა

საქართველოს პარლამენტის თავმჯდომარე ირაკლი კობახიძე, რომელიც ვარშავაში იმყოფება, ქართველ სტუდენტებს შეხვდა.

როგორც ”ინტერპრესნიუსს” პარლამენტის პრესსამსახურიდან აცნობეს, ირაკლი კობახიძე სტუდენტებს ქვეყანაში განხორციელებული და მიმდინარე დემოკრატიული რეფორმები, ასევე, პარლამენტის დღის წესრიგი გააცნო. მათთან საუბრისას, პარლამენტის თავმჯდომარემ ხაზგასმით აღნიშნა, რომ რეფორმები ქვეყნის ევროპული ინტეგრაციის ერთ-ერთი უმნიშვნელოვანესი ხელშემწყობი ფაქტორია. შეხვედრაზე გაიმართა დისკუსიაც.

დღესვე, ირაკლი კობახიძემ ვარშავის უნივერსიტეტის აღმოსავლეთ ევროპული სწავლების ცენტრში წაიკითხა ლექცია.

პარლამენტის თავმჯდომარე ახალგაზრდებს საქართველოში არსებულ ვითარებასა და გამოწვევებზე, ასევე, ჩვენი ქვეყნის დასავლური ინტეგრაციის პროცესის შესახებ ესაუბრა.

ყურადღება გამახვილდა რეგიონში და მის ფარგლებს გარეთ საქართველოს როლსა და მნიშვნელობაზე. საქართველოს პარლამენტის თავმჯდომარემ უპასუხა კითხვებსაც, რომლებიც, ძირითადად, ქვეყნის ევროპულ მომავალს, სამომავლო გეგმებსა და არსებულ გამოწვევებს ეხებოდა.

ლექციის შემდეგ ირაკლი კობახიძემ, დელეგაციის წევრებთან ერთად, წმინდა გრიგოლ ფერაძის მემორიალური დაფა გვირგვინით შეამკო.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა