ბათუმის რეფერალურ ჰოსპიტალში ევროპიდან მოწვეულმა ქართველმა ექიმმა ბესო კვიცარიძემ ”ევექსის” ნევროლოგებისა და ანგიოქირურგების გუნდთან ერთად გამართა კონფერენცია, თემაზე - ინსულტის პრევენციის პროგრამა სამედიცინო კორპორაცია „ევექსის“ ქსელში.
როგორც ”ინტერპრესნიუსს” კონფერენციის ორგანიზატორებმა აცნობეს, კონფერენციაზე განიხილეს ახალი სამედიცინო სერვისი, რომელიც უახლოეს პერიოდში ბათუმის რეფერალურ ჰოსპიტალში დაინერგება და საძილე არტერიების კვლევას და საძილე არტერიებზე მაღალტექნოლოგიური ოპერაციების ჩატარებას გულისხმობს.
მათივე ინფორმაციით, ევროპაში მოღვაწე ქართველი ქირურგი ბესო კვიცარიძე სათავეში ჩაუდგება ”ევექსის” ქსელის მასშტაბით ანგიოქირურგიის განვითარებას და სისხლძარღვებზე ღია და ენდოვასკულარული მიდგომით ოპერაციებს ჩაატარებს.