ბერლინში, გასულ წელს მომხდარი სისხლიანი თავდასხმიდან ერთი წელი აღნიშნეს. გასული წლის 19 დეკემბრის მსხვერპლთა მემორიალის გახსნის ცერემონიას ბრაითშაიდის მოედანზე, გერმანიის კანცლერი ანგელა მერკელი, ბერლინის მერი და სხვა ოფიციალური პირები დაესწრნენ.
2016 წლის 19 დეკემბერს, ტუნისელმა ანის ამრიმ, საშობაო ბაზრობაზე ტერაქტი მოაწყო. ის გატაცებული სატვირთო ავტომობილით ხალხის მასაში შევარდა. შედეგად დაიღუპა 12, ხოლო დაშავდა 50-მდე მოქალაქე. თავდასხმაზე პასუხისმგებლობა ტერორისტულმა დაჯგუფება “ისლამურმა სახელმწიფომ” აიღო.