ბათუმში, აბუსერიძის ქუჩაზე ავტოსაგზაო შემთხვევის შედეგად 21 წლის მამაკაცი დაშავდა. იგი ბათუმის სასწრაფო სამედიცინო დახმარების ბრიგადამ რეფერალურ საავადმყოფოში გადაიყვანა. ექიმების ინფორმაციით, ახალგაზრდა მამაკაცს დაზიანება თავის არეში აქვს მიყენებული. შემთხვევა დღეს დილით მოხდა. თვითმხილველების ინფორმაციით, ერთმანეთს მსუბუქი ავტომობილები შეეჯახნენ.

საქართველოს შინაგან საქმეთა სამინისტროს ინფორმაციით, მომხდართან დაკავშირებით გამოძიება "სისხლის სამართლის კოდექსის" 276-ე მუხლის პირველი ნაწილით დაიწყო, რაც ავტოსაგზო მოძრაობისას წესების დარღვევას გულისხმობს.