შს მინისტრი გიორგი გახარია მწვავე კითხვებზე საპასუხოდ მზად არის. როგორც გახარიამ პარლამენტში განაცხადა, ის მწვავე დისკუსიას ელოდება.

"ვფიქრობთ, დისკუსია იქნება მწვავე, მაგრამ ჩვენც მზად ვართ ამისთვის. ვფიქრობ, რომ მთავრობას ნდობას გამოუცხადებენ, თუმცა დაველოდოთ. მე, საბედნიეროდ მსგავს ფორმატში მსგავსი მიმართულებით პირველად მიწევს და როცა ეკონომიკაზე ვსაუბრობდით, ყოველთვის საქმიანი საუბარი გამოგვდიოდა და ვნახოთ, ახლა რა გამოგვივა", - განაცხადა გიორგი გახარიამ.

ჟურნალისტის კითხვაზე, უპასუხებს თუ არა ყველა კითხვას, რომელიც ოპოზიციას ექნება, გახარიამ ასე უპასუხა: "იქ, სადაც ფორმატი მოგვცემს საშუალებას, ყველაფერს ვუპასუხებთ და სადაც ფორმატი არ მოგვცემს საშუალებას, ბოდიშს მოვიხდით".

ამ წუთებში პარლამენტის კომიტეტებში მინისტრთა კაბინეტის განახლებულ შემადგენლობას უსმენენ.